Bizimsesimiz.info // CFR (Council on Foreign Relations) – Xarici Əlaqələr Şurası ABŞ-da yaradılan və adı çəkilən dövləti öz nəzarətində saxlayan dərin dövlətdir. Dünya dövlətləriylə bütün kateqoriyalarda olan münasibətlərini, ABŞ-ın Xarici İşlər Nazirliyinin prototipi olan məhz bu təşkilat təyin edir. Rəsmi internet səhifəsi https://www.cfr.org/. Bu sayımızda və bundan sonrakı bir neçə sayımızda biz sizə bu təşkilatın yaranması və kirli fəaliyyətiylə bağlı ətraflı məlumat verməyə çalışacağıq.

1919-cu il 30 mayda Paris Majestik Otelində bir dəyirmi masa toplantısı təşkil olundu. I Dünya Müharibəsi yenicə bitmişdi. Dünyanı və gələcəyi öz əllərində saxlamaq istəyən gizli güclər Beynəlxalq Əlaqələr İnstitutu qurmağı bu toplantıda qərara aldılar. 5 iyunda növbəti toplantı oldu. Bu toplantıda isə bir qurum yerinə bir-biriylə əlaqədar bir neçə təşkilatın şəbəkə halında qurulmasını məqsədəuyğun hesab etdilər. Bunların arasında ABŞ mərkəzli Xarici Əlaqələr Şurası da vardı.

Çox vaxt mətbuatda ABŞ-ın Xarici Əlaqələr Şurası haqqında tez-tez xəbərlər eşidrik. Əminəm ki, siz onu dövlətin rəsmi qurumu hesab edirsiniz. Amma həqiqət isə bildiyinizin əksinədir. O dövlət qurumu deyildir. Dövlətin bütün institutlarını ələ keçirən qeyri-hökumət qurumudur.

Kissencer

Xarici Əlaqələr Şurası (bundan sonra XƏŞ) 21 iyun 1921-ci ildə quruldu. Qurucuları Walter Lipmann və J.P.Morgandır. Təşkilatın qərərgahı Nyu Yorkun 68-ci küçəsində tarixi bir binadadır. Ən tanınmış XƏŞ üzvlərindən biri də Henry Kissingerdir. Mənşəcə yəhudi olan bu şəxs 1968-ci il prezident seçkilərində Niksona uduzsa da, sonradan Rockefellerin “xahişiylə” prezidentin beynəlxalq əlaqələr üzrə müşaviri vəzifəsiylə hökumətdə yer aldı. ABŞ Xarici İşlər Nazirliyinin XƏŞ-ə tabe olması məhz bu dövrdə gerçəkləşdi. Belə ki, Xarici İşlər naziri William Rogers BMT-in qərarına uyaraq İsrailin işğal etdiyi torpaqlardan geri çəkilməsini istəyirdi. Lakin, Kissinger İsraili açıq-aydın müdafiə edərək Rogerslə mübarizəyə başladı. Sonda, onu tamamilə prossesdən uzaqlaşdırdırdı. Bu azmış kimi, 1972-ci ildə o həm də xarici işlər naziri vəzifəsini də ələ keçirdi. Bu tarixdən etibarən, XƏŞ ABŞ-ın xarici siyasətini müəyyənləşdirən şəriksiz gücü oldu.

Jurnalist: – Vyetnamda müharibəni niyə dayandırmırsınız? Sistem sizə mane olur?
Nikson: – Sistemi anlamağa, idarə etməyə, onunla olmağa çalışıram…
Jurnalist: – Sistem haqqında vəhşi bir heyvandan bəhs edirmiş kimi danışırsınız.
Nixon filmindən bir səhnə (1995)

XƏŞ-in strukturu

XƏŞ gizli olmayan, yarı-leqal bir görüntüyə malik olsa da, bu zahiri bir görüntüdən başqa bir şey deyildir. Əsasən, Nyu-York, Vaşinqtonun zəngin təbəqəsindən təşkil olunan təşkilatın bu gün maliyyə, kommunikasiya, tədqiqat, kəşfiyyat, texnologiya sahələrində 3300 üzvü çalışır. Ölkədə əsas güc sahibi olan Mərkəzi Kəşfiyyat İdarəsindən (MKİ) tutmuş Federal Təhlükəsizlik Bürosuna (FBR) qədər – bütün kəşfiyyat orqanlarının rəhbərləri XƏŞ-in üzvləridirlər. XƏŞ eyni zamanda ABŞ-ın daxilinə də nəzarət edir. Kimin prezident seçilməsindən aslı olmayaraq, dövlətiin kilid nöqtələrinə onlar nəzarət edirlər. Həm Respublikaçılar, həm də Demokratlar partiyalarından çoxlu üzvləri vardır. Ona görə, kimin qazanıb-məğlub olmasından asılı olmayaraq XƏŞ həmişə qalib olur.

XƏŞ-in ierarxik quruluşu bir-biri içində olan dairələr şəklindədir. Ən içdəki dairə təşkilatın nüvəsini təşkil edir. Bunlar 10-12 nəfərlik dəyişilməz üzvlərdir. Onlar eyni zamanda dünyanın digər gizli təşkilatları olan Bilderberg və Triletaral Komissiyasının da üzvləridirlər. Nüvənin digər adı Buğanın Gözü adlanmaqdadır. (Nüvəyə bu adın verilməsi Paqan inancının bu qurumda olmasının pis müjdəçisidir) Nüvədə əsasən Rockefeller kimi xüsusi simalar olur. Təşkilatın əsas kritik qərarlarının ümumi prinsipləri bu dairə tərəfindən ortaya qoyulur. Digər dairələrin vəzifəsi alınmış qərarı ən xırda detalına qədər planlaşdırıb həyata keçirməkdən ibarətdir.

XƏŞ-in dünyaya baxışı

1959-cu ildə XƏŞ üzvü James Warburg senatda çıxışı zamanı eynən bu sözləri demişdir: “Bir dünya hökuməti istər-istəməz qurulacaq. Bir məsələ qalır. O da budur ki, bu nəticəyə ya xoşluqla, ya da məcburiyyətlə nail olunacaq”. Bəli, insanları buna hazır etmək üçün onlara ilk öncə “totalitar demokratiya” tətbiq olunur. Bu ancaq medianı, Hollivud kino sənayesini, musiqini, ədəbiyyatı, şou aləmini bir silah kimi insanlara tuşlamaqla mümkündür. Yəni, məhz bu sahələrin təsiriylə cəmiyyəti istədikləri şəkildə formalaşdırırlar. ABŞ-ın 50-ci illərə qədər olan cəmiyyəti ilə 50-ci illərdən sonrakı cəmiyyəti arasında böyük uçurum vardır. Onlar bütün əxlaqsızlığı, narkotikanı, cool həyat tərzini cəmiyyətə aşılayarkən, xalqın bu həyat tərzini seçib-seçməməsi haqqında bir fikrini belə almağı lazımsız hesab etdilər. Məhz, bu səbəbdən “totalitar demokratiya” insanları XƏŞ-in mənfur planlarına uyğunlaşdıra bilmək üçün ən gözəl vasitədir. (davamı növbəti sayımızda)