Bizimsesimiz.info // Amerika Birləşmiş Ştatlarında Nümayəndələr Palatası Rusiya, İran və Şimali Koreyaya yeni sanksiyaları nəzərdə tutan layihəni qəbul etdi.

“Sanksiyalar Yolu İlə Amerikanın Düşmənləri ilə Mübarizə” adlı qanun layihəsinin lehinə 419, əleyhinə 3 səs verildi.

Layihəyə görə, Rusiyaya Ukraynadakı addımları ilə bağlı yeni sanksiyalar tətbiq olunacaq. İran ilə Şimali Koreya nüvə və ballistik raket proqramları səbəbindən sanksiyalara məruz qalacaqlar.

Donald Trumpın Rusiya ilə münasibətlərindəki sahəni daraldan qanun layihəsində belə bir şərt var: ABŞ prezidenti hazırda qüvvədə olan Rusiya sanksiyalarını yüngülləşdirmək, və ya ləğv etmək istədiyi halda Konqresdən razılıq almalıdır.

Nümayəndələr Palatasının sədri Paul Ryan layihə mətnini “Tarixin ən geniş qanun layihələrindən biri” ifadəsi ilə səciyyələndirdi.

Xarici Əlaqələr Komitəsinin sədri Ed Royce da sözügedən üç ölkənin ABŞ-ın milli maraqlarını təhdid etdiyini bildirdi.

Layihə qüvvəyə minməsi üçün prezidentin imzasına getməzdən əvvəl Senatda da qəbul edilməlidir. Prezident Trumpın qanunu təsdiq etmə, və ya ona veto qoyma səlahiyyəti var.

BIR CAVAB BURAXIN

Please enter your comment!
Please enter your name here