Bizimsesimiz.info // Əfqanıstanın Helmand vilayətində Amerika Birləşmiş Ştatlarının həyata keçirdiyi hava hücumu nәticәsindә  16 polis hәlak olub.

Polis nümayәndәsi  Salam Əfqan  hücumun dünən yerli vaxtla saat 17:00 radәlәrindә  baş verdiyini bildirib. Әfqan hücum nәticәsindә ikisi komandir olmaqla  16 polisin öldüyünü, 2 polisin dә yaralandığını qeyd edib.

Bu məlumatları vilayət qubernatorunun müavini Omar Zvak vә TOLO xәbәr agentliyi dә təsdiqləyib.

ABŞ komandanlığı da öz növbəsində aviasiya zərbəsinin səhvən  endirildiyini bildirib.