Bizimsesimiz.info // Antarktida qitəsindən qopan nəhəng buz dağı okeana doğru sürüşməyə davam edir.

Çərşənbə günü (12 iyul) qitənin şimal-qərbindəki “Larcen C” buzluğundan qopan 6 min kvadrat kilometr genişliyində olan buz dağı, peyk görüntülərinə görə, olduğu yerdən dar bir su keçidi ilə ayrılır.

A-68 adı verilən nəhəng buz dağının irəliləməsini izləyən Almaniyanın “Alfred Wegener” İnstitutunun alimləri “Deimos-1” peykindən əldə etdikləri görüntülərdə buz dağının bu zamana qədər etdiyi hərəkət görünür.

Buz dağı Ueddel (Weddel) dənizi üzərindən əsən küləklərin təsiriylə okeana doğru sürünür. Ancaq “Koriolis (coriolis) gücü” deyilən dünyanın öz ətrafında dönməsindən qaynaqlanan sola doğru sürüklənmə təsirinə görə buz dağının Antarktika sahilləri ətrafında qalacağı düşünülür.

Təxminən bir trilyon ton ağırlığında olduğu təxmin edilən buz dağı bu günə qədər təsbit edilən buz dağlarının ən böyüyü olaraq qeydiyyata düşüb.