17 yaşadək futbolçulardan ibarət millimiz Avropa çempionatının seçmə mərhələsində mübarizəyə başlayıb.

Qaynarinfo xəbər verir ki, Ramin Quliyevin başçılıq etdiyi kollektiv bu gün ilk oyununu keçirib. 8-ci qrupda yer alan yığmamız ilk sınağında Norveçlə qarşılaşıb və 1:4 hesabı ilə uduzub. Komandamızın heyətində yeganə qolu millimiz və “Qarabağ”ın baş məşqçisi Qurban Qurbanovun oğlu Musa Qurbanlı vurub.

Yığmamız qrupda növbəti oyununu oktyabrın 26-da, saat 14:00-da Çexiyaya qarşı keçirəcək.

Qeyd edək ki, komandamızın qrupunda Norveçlə yanaşı, Albaniya və Çexiya yığmaları da yer alırlar. Qrupun bütün oyunları Albaniyada keçirilir.

Avropa çempionatı

Seçmə mərhələ

I tur, 8-ci qrup

23 oktyabr

Azərbaycan U-17 – Norveç U-17 1:4

Qollar: Musa Qurbanlı, 89 – Herman Gelmuyden, 18-pen. Robin Skroqstad, 19. Fredrix Oppeqard, 20. Nils Vallotto, 71.

Hakimlər: Admir Şehoviç, Sreten Udoviçiç (Bosniya və Herseqovina), Elis Pulay, Florian Lata (Albaniya).

Luşnya. “Roza Haciu” stadionu.