Bir gecəyə Əlisa Nicat üçün 7 min manat toplandı! – Aylıq maaş təklif edənlər var

“Qanun” nəşrlər evinin rəhbəri Şahbaz Xuduoğlunun şəraitsiz vəziyyətdə yaşayan yazıçı Əlisa Nicatla bağlı paylaşımından sonra sosial şəbəkə istifadəçiləri yardım kampaniyasına qoşulub.

Artıq 6987 manat toplanılıb.

Xatırladaq ki, iki gün əvvəl naşir onunla söhbətini və fotolarını sosial şəbəkədə paylaşmışdı. Yazıçının nimdaş geyimi, evini isitməyə maddi gücünün yetmədiyi barədə söylədikləri geniş rezonans doğurmuşdu.

Ş.Xuduoğlu bildirir ki, Əlisa Nicatla bağlı xırda yazı böyük dönüşə səbəb oldu: “Gecə boyu onun kartına pul köçürüldü. Yardım edənlərin bəzi halda qəbzlərini də mənə atırdılar. 1, 10, 20, 50, 100, hətta 200 manat yardım edən də vardı. Səhər ustalar Əlisa bəyin evinə gedib istilik sistemi üçün büdcə çıxardılar. Bir gün sonra, yəni bu gün artıq istilik sistemi quraşdırılır. Oğlu Üzeyirlə yardımların məbləğini öyrənmək üçün atasının kartını bankomata saldı. Üzeyir gözlərinə inanmadı “vay dədə, bu nədi ədə” dedi. 6987 manat yazılmışdı. Bu, yalnız bir gecədə toplanan məbləğdir. Mən bir anlıq qanadlandım”.

Naşir əlavə edir ki, dünən və bu gün yardımlar davam etdi. O vurğulayıb ki, yardım edənlər adlarının açıqlanmasını istəməsələr də yazmağı özümə mənəvi borc sayır: “İrşad Elektronics” şirkətindən zəng edib, istilik sisteminin çəkilişini öz üzərinə götürməyi təklif etdilər. İstilik sistemi üçün lazım olan bütün xərcləri ödədilər. Məbləğ 2339 manat etdi.

Ardından, “Baku Electronics”dən zəng etdilər, istilik sistemini quraşdırmağı təklif etsələr də, dedim ki, artıq o işi bsşqa şirkət öz üzərinə götürüb, siz soyuducu, elektron soba və ya mebel işini həll edə bilərsiniz.

Dəyərli futboçumuz Qara Qarayev də istilik sistemi ilə bağlı yardım təklifi etdi.

“Görüş”restoranının sahibi Asif bəy dedi ki, bundan sonra onun bütün ərzaq, yemək təminatını özüm həll edəcəm.

Bir nəfər yazmışdı ki, mən “santexnikəm”, bütün işləri pulsuz görərəm.

Tikinti firmalarından zəng edib evinin təmirini təklif etdilər.

Elçin Əlibəyli isə yazdı ki, “Rafi” Group Təmir və tikinti şirkəti evin təmirini öz üzərinə götürür, “Sobsan” Boyaları bütün rəngləmə materiallarını pulsuz verir.

Bir neçə nəfər aylıq 100, 200 manat məbləğində maaş təklif edənlər də var. Yardım təklifləri, yardımların ardı-arası kəsilmir. Əlisa bəylə bu gün danışdım, deyir, kimin əvvəli, kiminin sonu. Gec də olsa, bu günləri gördüyüm üçün xoşbəxtliyimin həddi -hüdudu yoxdur”.

Şahbaz Xuduoğlu qeyd edir ki, insanlar yardım etmək fürsətindən yararlandıqları üçün məmun qalıblar. 

“Həm yardım, həm də təşəkkür edirlər. Az , ya çox, heç fərq etməz, əsas odur ki, Əlisa Nicat faktoru minlərlə insanı bir araya gətirdi. Bir daha əmin oldum; bu xalq möhtəşəmdir! Biz birlikdə güclüyük!”, – o vurğulayıb.

3 COMMENTS

  1. While they would likely still use the first in first out approach to lessen the impact of expiry, actual costs associated with expiry would depend on the ratio of the size of the cache to the turnover volume of routine use of the antibiotics clomid tablet The information provided in Preclinical safety data of Adifen is based on data of another medicine with exactly the same composition as the Adifen

LEAVE A RESPONSE

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir