Cümə namazında şok: – Təzəpir məscidində əli qılınclı şəxs axundun xütbəsini kəsməyə çalışdı, möminlər tərəfindən döyüldü

Bizimsesimiz.info // Bakıda məscidə hücum edən şəxslər saxlanılıb.

Yasamal rayon Polis İdarəsindən verilən məlumata görə, Təzəpir məscidində bu gün günorta namazı qılınan zaman iki nəfər məscidə girib.

Onlardan birinin əlində qılınc, digərinin əlində isə dini bayraq olub. Məsciddə olan şəxslər dərhal polis əməkdaşlarına məlumat veriblər.

Yasamal rayon Polis İdarəsi 26-cı Polis Bölməsinin əməkdaşları tərəfindən həmin şəxslər saxlanılıb.

Onların Yaşar Əliqulu oğlu Cahangirov və Əfqan Elman oğlu Aydınov olduğu müəyyən edilib. Həmin şəxslər istintaqa təhvil veriliblər.

Hazırda faktla bağlı araşdırma aparılır.

Qeyd edək ki, hadisə barədə ilk olaraq “Bakıpost” məlumat yayıb.

LEAVE A RESPONSE

Sizin e-poçt ünvanınız dərc edilməyəcəkdir.