DÇ-2022: Portuqaliya Mərakeşlə, Fransa İngiltərə ilə qarşılaşacaq

Qətərdə təşkil olunan futbol üzrə dünya çempionatında bu gün 1/4 final mərhələsinə yekun vurulacaq.

İkinci oyun günündə iki qarşılaşma keçiriləcək.

Günün ilk matçında Portuqaliya millisi turnirin sürpriz komandası Mərakeşi sınağa çəkəcək. “Ət-Tumama” stadionunda oynanılacaq görüş Bakı vaxtı ilə saat 19:00-da başlayacaq. Matçı argentinalı FIFA referisi Fakundo Telyo idarə edəcək.

Digər oyunda İngiltərə və Fransa yığmaları üz-üzə gələcəklər. “Əl-Bayt” stadionundakı görüşün baş hakimi braziliyalı Uilton Sampayo olacaq.

DÇ-2022

1/4 final mərhələsi

10 dekabr

19:00. Mərakeş – Portuqaliya

Baş hakim: Fakundo Telyo (Argentina)

“Ət-Tumama” stadionu

23:00. İngiltərə – Fransa

Baş hakim: Uilton Sampayo (Braziliya)

“Əl-Bayt” stadionu

Qeyd edək ki, 1/4 finalın digər iki oyunu dekabrın 9-da baş tutub. Xorvatiya Braziliyanı, Argentina isə Niderlandı məğlub edərək, yarımfinala yüksəlib.

LEAVE A RESPONSE

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir