Bizimsesimiz.info // İnsan orqanizmində xəstəliklərə qarşı, Allahın bir lütfü olan mükəmməl bir immun sistemi mövcuddur. Bu sistem, insanı xəstəliklərə qarşı qorumaqla yanaşı, xəstəlik simptomları meydana gəldiyi zaman, fəaliyyətə keçərək onları zərərsizləşdirməyə çalışır. İmmun sistemi zəif olan insanlar, xəstəliklərə daha çox meyilli olur. Bir çox hallarda isə, bu sistemin zəif işləməsi xəstənin məhvinə səbəb olur.

İnsan vücudu kimi, onun düşüncələri, fikirləridə müəyyən xəstəliklərə tutula bilir. Bu xəstəliklər qarşısında sağlam dayanmaq üçün, fərqli bir immun sisteminin olması zəruridir. İnsanı hər halıyla mükəmməl yaratdığını deyən Rəbbimiz, onun düşüncə və fikirlərini xəstə düşüncələrə qarşı qorumaq üçün mütləqdir ki bir mühafizə mexanizmi yaratmışdır. Bu mühafizə mexanizminin ümumi adı Ağıl, onun fikirlərə və düşüncələrə qarşı yönələn, onları filtr edən, xəstəsini sağlamından ayıran bölməsi isə Analiz və Təhlildir. Ağılın tələb etdiyi kimi sağlam təhlil və analiz apara bilməyən insanın sonu, xəstə düşüncələrə qarşı zəiflik, onlara yoluxma və bu yoluxma nəticəsində məhvə məhkum olmaqdır. Eyni ilə, vucudun immun sisteminin zəif olması zamanı yaranan fəsadlar kimi…