Bizimsesimiz.info // İran xüsusi xidmət orqanının rəhbəri Mahmud Ələvi Tehranda parlamentə və İmam Xomeyni türbəsinə terror hücumu əmri verən şəxsin artıq öldürüldüyünü bəyan edib.

Teleqraf.com xəbər verir ki, İranın dövlət televiziyasına açıqlama verən M.Ələvi Tehranda terror aktı həyata keçirmək əmri verən şəxsin qısa vaxt ərzində müəyyənləşdirildiyini vurğulayıb. O, həmçinin, son 3 ayda İran təhlükəsizlik xidməti tərəfindən 25 terror qruplaşmasının müəyən edildiyini bildirib.

Qeyd edək ki, İranın rəsmi qurumları dünən bəyan etmişdi ki, müxtəlif şəhərlərdə İŞİD üzvü olan 41 nəfər saxlanılıb.

Xatırladaq ki, iyunun 7-də İran parlamentinə və İmam Xomeyni türbəsinə terror hücumu həyata keçirilib. Nəticədə 22 nəfər öldürlüb, 50 nəfərdən çox insan yaralanıb. Terror hücumunun məsuliyyətini İŞİD üzərinə götürüb.

BIR CAVAB BURAXIN

Please enter your comment!
Please enter your name here