Bizimsesimiz.info // Türkiyədə məhkəmə  ABŞ-ın İstanbuldakı konsulluğunun daha bir əməkdaşının saxlanılmasına order verib.

SalamNews  “Anadolu” agentliyinə  istinadən xəbər verir ki, adı açıqlanmayan şəxs Fətullahçı Terror Təşkilatı ilə əlbir olmaqda şübhəli bilinir.

Məlumata əsasən o,Türkiyə vətəndaşıdır. Saxlanılmasına sanksiya verilən şəxs konsulluq binasını tərk etmir.

Qeyd edək ki, oktyabrın 4-də ABŞ-ın İstanbuldakı Baş Konsulluğunun əməkdaşı Metin Topuz FETÖ ilə əlbir olmaqda təqsirli bilinərək həbs edilib. Topuz Konstitusiya qaydalarını pozmaqda, gizli məlumatları ötürməklə və hökuməti devirmək təşəbbüsündə təqsirli bilinib.