Kişilərin Hicabı

Hicab əmri qadınlardan öncə kişilərə buyurulmuş bir əmrdir.Rəbbimiz müsəlman kişi qullarına Nur surəsinin 30.ayətilə gözlərini harama baxmaqdan çəkindirməyi buyurub.Demək ki,bu namusun qorunması və harama düşməməyin ilk addımıdır.Gözlər qəlbin aynasıdır deyilir.Gözlər baxar,qəlb istəyər nəhayətində digər üzvlər bunu ya təsdiq edər,ya inkar edər.Harama,zinaya düşməmək üçün mömin ,müsəlman kişi qullarına gözlərini haramdan çəkindirməyi buyuran Rəbbimizin nə üçün ilk gözlərin haramdan çəkindirilməsini əmr etdiyini düşünsək,bu barədə təfəkkür etsək ,dərk edərik.
Müsəlman xanımların hicabla,yəni ötrünməylə əmr olunduğunu bilirik.Bəs müsəlman kişiləri Rəbbimiz bu əmrdən uzaqmı tutub?Yaratdıqlarını bizdən daha yaxşı bilən Allahu Təala hər yaratdığının fitrətinə uyğun əmrlər vermişdir.Cazibə və gözəlliyi ən çox qadın qullarına verdiyindən bir inci,mərcan misalı ən çox qadın qullarının örtünməsini əmr etmişdir.Evinin,ailəsinin dolanışığını vətənin,millətin müdafiəsini təmin etməyi
kişi qullarına əmr buyurduğundan onların örtünməsi qadınların örtünməsindən əlbət ki,fərqlidir.Allahu Təala kişi qullarına güc  və qüvvət neməti vermişdir.Bu onların fitrətində vardır.Çünki,yuxarıda qeyd edilən əmrləri yerinə yetirə bilmələri üçün kişilərin bu xüsusiyyətlərə sahib olmaları lazımdır.Daha çox ictimaiyyət arasında olan kişilərə örtünmə ilə bağlı ilk olaraq gözlərini haramdan çəkindirmələri əmri verilməsi bu baxımdan daha aydın olur.Amma elə düşünülməməlidir ki, örtünməylə bağlı Allahu Təala kişi qullarına təkcə gözlərini haramdan çevirmələrini əmr buyurmuşdur.Məxluqatın ən şərəflisi olan insan başda olmaqla,hətta digər məxluqları belə bir örtü içərsində yaradan Rəbbimiz təbii ki,insanı burada söhbət bəylərdən gedirsə,kişi qullarını bu əmrdən kənar tutmamışdır.Fitrəti gərəyi vücudu qadınlar qədər cəzb edici olmayan,üstəlik digər bir yöndən diqqət etsək,kişilər gözlə daha çox təhrik olunduqlarından və qadınlarda bu xüsusiyyətin kişilərə nisbətən çox zəif olması yönündən Allahu Təala kişi qullarının mütləq olaraq göbəklə diz qapağı arası,diz qapağı da daxil nahiyəni örtməyi əmr buyurmuşdur.Bu nahiyə zərurətsiz olaraq heç bir kişiyə də göstərilməməlidir.Amma günümüzdə diqqət etsək, xüsusən idman sahəsində və çimərliklərdə bəylərin bu örtünmə əmrinə riayət etmədiklərini görərik.Qadınların ötrünməyə diqqət etmələrini gözlədiyimiz kimi ,örtünmə əmrinin kişilərə də aid olduğu qədər və miqdarı ilə onların da bundan məsul olduğunu bilməliyik.Bir müsəlman kişisinin geyimi dar olmamalı,bədənin qaba nahiyələrini bildirməməli,diz qapağı ilə göbək çuxuru arası nahiyəsi mütləq örtülü olmalıdır.Müsəlman kişisi geyimi ilə qeyri-müslimlərə bənzəməməli,fitrətinə tərs olan parça məmulatından və geyim rənglərindən istifadə etməməli,müxtəlif materiallardan hazırlanmış boyunbağı,qolbaq kimi aksesuarların müsəlman kişiyə yaraşmadığını bilməlidir.Günümüzdə isə təəssüf hissilə qeyd etməliyik ki,bəylərimiz geyim seçimində bu məqamlara diqqət etmirlər.Dar,bədənə yapışan paltarlar həm etik cəhətdən kobud görünür,həm də onların sağlamlığını və nəsil artımını zədələyir.İnsanlarımız isə bunun fərqində deyillər.Elementar olaraq götürsək,geyim bizim hərəkətimizlə ,yəni əyilib qalxmağımzla bədən nahiyəmizi göstərəcək şəkildə çirmənməməlidir.Amma təəssüflər olsun ki,bu gün hətta məscidlərə namaz,üçün gələn bəylərimizdə də ibadət əsnasında,rüku,səcdə etdikdə, örtünməsi fərz olan bədən nahiyələrinin açıqda qaldığını görürük.Namaz ibadəti əsnasında sətri-övrət,yəni örtünməyə riayət etmək namazın şərtlərindəndir.Bu örtünmə fitrətinə görə kişi və qadın üçün fərqli olsa da,yerinə yetirilməli olan örtünmə təmin olunmursa,bu namaz ibadətinin də səhhətini zədələmiş olur.
Ümumiyyətlə götürsək,ibadət əsnasında və ya adi halda geyim insanın kimliyinin kənardan göstəricisidir.Axı nəyə görə müsəlman kişilər qeyri-müslimlər kimi geyinməlidir?Və yaxud axı nə üçün müsəlman gənclərimiz öz görkəmləri ilə hippilərə bənzəməyə çalışmalıdırlar?
Bizim Peyğəmbərimiz,aləmlərə rahmət olaraq göndərilən Hz.Mühamməd Mustafa(s.a.v) saç düzümündən,dırnaq kəsiminə,ayaqqabısından saqqalınadək ümmətinin kişilərinə öz görkəmilə yetərli nümunə deyilmi?
İnsanı dəyərli qılan Rəbbinin əmrlərinə riayət etməsidir.Örtünmə əmri də,geyinmək də Rəbbimizin əmrlərinə uyğun örtünməni təmin edəcək şəkildə olduqda gözəldir.Bizi dəyərli qılan,görkəmimizlə şəxsiyyətimizi ,kimliyimizi bildirən üzərimizdə İslamın nişanələrini daşıdığımız geyimlərdir.Bunları edə bilmiriksə,heç olmasa,ədəbinə uyğun bədən formasını və konturlarını bildirməyən geyimlər seçək ki,Rəbbimizin və mələklərinin qəzəbinə düçar olmayaq.İnsanlar arasında da həya və utanma duyğusu zəifləməsin.

Müəllif:Əsmər Nurəliyeva

LEAVE A RESPONSE

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir