MİR MƏHƏMMƏD AĞANIN ƏZİZ XATİRƏSİNƏ İTHAF EDİRƏM

İnsanlar axın-axın

İnsanlar dəstə-dəstə,

Qırıb yolun damarın,

Ağı deyib ahəstə

Üz tutb gəlirdilər

Mirsədi ocağına.

Mir Məhəmməd ölən gün.

 

Göy də, yer də titrədi

Nalə çəkdi dağ-dərə,

Göz yaşını axıtdı

Bərgüşad, həkəri də

Mir Məhəmməd ölən gün

 

Sözün sehrini bilən

Vətənin, xalqın sevən

Xəstəyə şəfa verən,

Tarın simin dindirən

Böyüklə böyük olub

Kiçiyə sirdaş olan,

Bizim xırman yerində

Bizimlə top oynayan

Bizlərə yoldaş olan

Əvəzsiz insan öldü

Mir Məhəmməd ölən gün.

 

Sevginin gücünə bax

Tanrının mələkləri

Girib quş cildinə

Qanad çalıb gəldilər

Məhəmmədin dəfninə

Mir Məhəmməd ölən gün.

İmadəddin SƏLİM, Qarabağ Qazisi

BIR CAVAB BURAXIN

Please enter your comment!
Please enter your name here