Myanma Aİ-nin rohinca müsəlmanları ilə bağlı vəziyyəti araşdırmaq təklifindən imtina edib

Bizimsesimiz.info  // Myanma hökuməti Avropa İttifaqının (Aİ) ölkənin rohinca müsəlmanlarının yaşadığı qərb bölgəsindəki vəziyyəti müstəqil şəkildə araşdırmaq təklifindən imtina edib.

Bu barədə Sinqapurun xarici işlər naziri Vivian Balakrişnan Myanmada keçirilmiş Asiya-Avropa XİN başçıları görüşünün yükununda bildirib.

“Görüşdə bənzər təkliflər oldu, lakin Myanmanın dövlət müşaviri və xarici işlər naziri Aun San Su Çji hamını əmin etdi ki, beynəlxalq ictimaiyyətin daha əvvəl rohincalarla bağlı məsələdə tövsiyyə etdiyi bütün tədbirlər yerinə yetirilir. Üstəlik, yerli xüsusi komissiyanın lazımi araşdırmaları apardığı bildirildi”, – V.Balakrişnan vurğulayıb.

Onun sözlərinə görə, Myanma hökumətinə yaranmış bu çox çətin vəziyyətdə dəstək vermək lazımdır.

“Problemin həllində əsas məsələ şiddətin dayandırılmasıdır”, – XİN başçısı bildirib. // APA

LEAVE A RESPONSE

Sizin e-poçt ünvanınız dərc edilməyəcəkdir.