Cəmiyyətin tez-tez rastlaşdığı hadisələrdən biri də baş verən intihar hadisələridir. Xüsusən də belə hadisələr zamanı gənclərin özünə qəsd edərək intihar etməsi insanlar tərəfindən heç də birmənalı qarşılanmır. Bəs bununla bağlı dövlət hansısa bir addım ata bilərmi? Gənclərimizi bu cür addımlardan çəkindirmək üçün nə etməliyik?

Azərbaycan Tibb Universitetinin (ATU) dosenti, tanınmış alim Rəşid Mahmudov Moderator.az-a açıqlamasında bildirdi ki, həyatda özünü tapa bilməyən gənclər bu addımı atırlar:

“Ay oğul, bu intihar hadisələrinin müxtəlif səbəbləri var. Kimisi qız sevir vermirlər, o, da  gedir özünü asır. Kimi sosial problemindən və şəraitindən asılı olaraq özünü qəsd edib intihar edir. Xüsusən də intihar edənlər gənclərdi. Özünü həyatda tapa bilməyən gənclər bu addımı atır”.

R.Mahmudov bildirib ki, bununla bağlı maariflənmə işləri aparılmalıdır:

“Bununla bağlı dövlət tərəfindən maariflənmə işləri aparılmalıdır. İnsanların özünü asması və xüsusən də gənclərin belə faciəvi şəkildə həyatlarına qəsd etməsi yolverilməzdir”.