Türkiyə Silahlı Qüvvələrinin Raconu alması nəticəsində PKK-nın Amanos dağları vasitəsilə Aralıq dənizinə keçmək planları iflasa uğrayıb.

Axar.az xəbər verir ki, bu barədə “Sabah” qəzetinin yazarı Özgür Cəbə məlumat yayıb.

Yazar bildirib ki, PKK Suriyada vətəndaş müharibəsindən də əvvəl Hatay vilayətinin Hassa rayonu vasitəsilə Amanos dağlarına keçib. Buradakı terror fəaliyyətləri ilə Hatay, Osmaniyə, Qaziantep, Qəhrəmanmaraş, Adıyaman və Malatyada çoxlu sayda hərbçi, polis və mülki vətəndaşı qətlə yetirib.

Afrinin YPG-nin nəzarətinə keçməsindən sonra PKK terrorçuları yay aylarında Hatay ərazisinə yollanırdılar. Qışda isə yenidən Raco, Şeyx Hədid və Bülbül rayonlarına qayıdırdılar.

Kəşfiyyat qurumları Türkiyə ordusu tərəfindən sərhəddə nəzarətin bərpa edilməsi nəticəsində Racoya geri qayıda bilməyən Amanos dağlarındakı 15 terrorçunun Qəndilə şifrəli mesajlar göndərərək çətin vəziyyətə düşdüklərini və yardım istədiklərini bildiriblər.

BIR CAVAB BURAXIN

Please enter your comment!
Please enter your name here