Rusiya Mərkəzi Seçki Komissiyası (MSK) martın 18-də keçirilən prezident seçkilərinin yekun rəsmi nəticələrini açıqlayıb.

Virtualaz.org RİA Novosti-yə istinadən bildirir ki, hazırkı prezident Vladimir Putin seçicilərin 76,69 faizinin səsini toplayaraq qalib gəlib.

Ona 56 milyon 430 min 712 seçici səs verib.

İkinci yerin sahibi Kommunist Partiyasının namizədi Pavel Qrudinin olub. O, 11,77 faiz səs toplaya bilib. Üçüncü yerdə 5,65% səslə Liberal Demokrat Partiyasının lideri Vladimir Jirinovski qərarlaşıb.

Dördüncü yeri 1,68 faiz səslə Vətəndaş Təşəbbüsü Partiyasının namizədi, tanınmış telejurnalist Kseniya Sobçak, beşinci yeri 1,05 faiz səslə “Yabloko” Partiyasının namizədi Qriqori Yavlinski, altıncı yeri İnkişaf Partiyasından olan namizəd Boris Titov (0,68 faiz), yeddinci yeri 0,68 faiz səslə Rusiya Kommunistləri Partiyasının namizədi Maksim Suraykin, sonuncu yeri isə Rusiya Ümumxalq Partiyasının namizədi Sergey Baburin (0,65 faiz) tutub.

Mərkəzi Seçki Komissiyası seçkilərin “həqiqi və baş tutmuş” olduğunu təsdiqləyib.

BIR CAVAB BURAXIN

Please enter your comment!
Please enter your name here