Bizimsesimiz.info // Bu gün qardaş Türkiyədən tanınmış bir hərbçi aradı və Azərbaycanda çalışdığı illərdən tanıdığı bir şəhid ailəsinin ağır vəziyyətdə olduğunu bildirib, dəstək göstərilməsini xahiş etdi. Ona dəstək olmaq borcumuzdur dedim. Xahiş etdiyi şəhid ailəsi, şəhid xanımı Laçın rayonundan olan, şəhid olmuş Şahin Əhmədovun həyat yoldaşıydı. Ondan bir az əvvəl isə Afaq Rzayeva xanımla bağlı telefonuma şəhid ailəsinə dəstək göstərmək istəyən bir insanımızdan mesaj gəlmişdi və məsələdən az da olsa məlumatlıydım. Sanra Afaq xanımla danışdıq və onu ürək ağrısı ilə dinlədim.

1992-ci ildə Laçından məcburi köçkün düşən, həyat yoldaşı şəhid olan Afaq xanım bir azyaşlı körpəsi ilə Binəqədi rayonunda əvvəllər erməni yaşamış bir evdə məskunlaşdırılır. İllərlə burada yaşayır. Bir müddət keçdikdən sonra isə məcburi köçkün və şəhid ailəsinin yaşadığı evə başqasının adına order verilir. Afaq xanım nə Əmək və Əhalinin Sosial Müdafiəsi Nazirliyi, nə Binəqədi rayon icra hakimiyyəti, nə də Qaçqın və Məcburi Köçkünlərin İşi üzrə dövlət komitəsi tərəfindən bu günə kimi şəhid ailəsi və məcburi köçkün olaraq evlə təmin olunmayıb. O da gözləyib ki, dövlətin imkanları artıqca evlə təmin olunar. Günün birində isə Binəqədi rayonu məhkəmə icraçıları əllərində məhkəmə qətnaməsi gətirirlər ki, bu evi boşaldın, bura başqa adama məxsusdur. Afaq xanım cənab Prezident tərəfindən məcburi köçkün və şəhid ailəsi yaşayış yeri ilə təmin olunmadan onların yaşadığı, məskunlaşdığı yerdən çıxarılmaaması ilə bağlı verilən göztərişləri, tapşırıqları diqqətə çatdırır və evlə təmin olunana qədər gözləməyi xahiş edir. Amma bir gün qonşular Afaq xanıma xəbər verirlər ki, əşyalarınız toplanılır, sizi köçürürlər. Evə çatdığı zaman şəhid xanımı görür ki, onların iştirakı olmadan evdən əşyaları toplanılıb, başqa bir yerə çıxarılıb. İndi neçə günlərdir dost-qohum qapılarında qalıb. “Bütün dövlət qurumları bilir, bu günə qədər heç zaman şəhid ailəsi adından istifadə etməmişəm. Çalışıb övladımı özüm böyütmüşəm. Amma indi çıxılmaz vəziyyətdəyəm. Bəs mən harada qalım? Dərdimizi Laçın rayon icra hakimiyyətinə də, Qaçqın və Məcburi Köçkünlərin İşi üzrə Dövlət Komitəsinə də bildirmişəm” deyir.

Qaçqın və Məcburi Köçkünlərin İşi üzrə Dövlət Komitəsinin sədr müavini Gəray müəllimlə danışdıq bir az əvvəl. “Xəbərimiz var, çox ziyalı bir xanım, şəhid ailəsidir və vəziyyəti çətindir. Məcburi köçkünün məskunlaşdığı, yaşadığı yerdən çıxarılması ilə bağlı məhkəmə qərarının ailə evlə təmin olunanadək icra olunmasının ləngiməsi ilə bağlı komitə adından müraciətlər göndərdik, bu addımın doğru olmadığını bildirdik, amma təəssüf ki, yenə də icra etdilər”.

Ailənin evlə təmin olunması məsələsinə gəlincə diqqətdə saxlayırıq dedi Gəray müəllim. Amma nə zaman konkret bir söz indi deyə bilmərəm, çalşırıq dedi. Bir az əvvəl Qaçqın və Məcburi Köçkünlərlə İş üzrə Dövlət Komitəsinin sədri Əli Həsənova, Əmək və Əhalinin Soisal Müdafiəsi naziri Səlim Müslümova, Laçın və Binəqədi rayon icra hakimiyyətlərinə müraciət göndərdim və buradan da səslənmək istəyirəm. Şəhid ailəmizin qısa zamanda evlə təmin olunmasına dəstək olun. Bir az əvvəl Afaq xanımla telefonla təkrar danışanda iş yerindən danışırdı. Ərtafda çoxlu insanlar, o cümlədən qardaş Türkiyədən bu şəhid ailəsi üçün zəng edib xahiş edənlər hamısı şəhid ailəsinə qısa zamanda dəstək olunub-olunmayacağını gözləyir. Bu isə insanlarda şəhid ailəsi adına cəmiyyətdə nə qədər dəyər verildiyi barədə fikirləri bir daha möhkəmləndirəcək. Ən əsası isə həyat yoldaşı şəhid olandan sonra 1 yaşlı körpəsini məcburi köçkün həyatının bütün çətinliklərinə baxmayaraq böyüdən ananın mən dövlətimə inanıram, məni çətin vəziyyətdə qoymaz düşüncəsini daha da möhkəmləndirə bilər. Afaq xanım həyat yoldaşı ilə bağlı danışarkın “Vətən üçün şəhid olmaqdan gözəl nə ola bilər, həyat yoldaşımla fəxr edirəm” deyəndə çox duyğulandım. Biz də sizinlə fəxr edirik əziz Afaq xanım və inanırıq ki yaxın günlərdə mənzillər təmin olunacaqsınız. Cənab Prezidentin şəhid ailələri və məcburi köçkünlərlə bağlı yanaşmalarını müvafiq qurumların ciddi nəzərə alaraq tezliklə mənzil probleminizi həll edəcəklərini gözləyirik. Çünki şəhid ailələri bizim ən qiymətlimizdir.

Qənirə Paşayeva, millət vəkili

Laçınlı şəhid ailəsi küçəyə atıldı: Əvvəllər sahibi erməni ol…

Laçınlı şəhid ailəsi küçəyə atıldı: Əvvəllər sahibi erməni olmuş evi satıblar — VIDEOMəcburi köçkün Afaq Rzayeva Şəhid olmuş Əhmədov Şahin Əhməd oğlunun həyat yoldaşıdır. Rzayeva Afaq bildirir ki, 1992-ci ildə məcburi köçkün kimi Ali Sovet tərəfindən Binəqədi rayonu Naxçıvan 15/168 mən 30 ünvanında yerləşən, əvvəllər sahibi erməni olan bir evə yerləşdiriliblər. Ev 1996-cı ildə əslən Gədəbəydən olan Həsənova Tamella Kazım qızına satılıbdı. Qaçqınkomdan bildirildi ki, siz nə vaxt dövlət tərəfindən evlə təmin olunsanız, o evdən çıxacaqsınız. Amma Binəqədi Rayon İcra şöbəsinin əməkdaşları Afaq Rzayevanı çağırıb bildirdilər ki, sən hökmən yaxın müddət ərzində evi tərk etməlisən, ev artıq məhkəmə qərarı ilə satılıb. Afaq Rzayeva bildirib ki, 21 iyul 2017-ci ildə bizim ailə işdə olan zaman qonşular mənə zəng vurdu ki, köçürsən? – dedim ki, yox. Dedilər ki, sizin evi köçürürlər. Mən də tez bacıma və anama ağlaya-ağlaya zəng vurdum. Nə xeyri, mən evə gələndə artıq evdə heç bir əşya yox idi, ev tamamilə icraçılar və polis tərəfindən boşaldılmışdı. Bəli, mən razı idim heç olmasa məni evlə təmin edərdilər, ondan sonra əşyalarımı o evə köçürdərdim. İndi heç bilmirəm ki, mənim evimin əşyaları hardadır. Hal-hazırda bir dəst paltarla küçələrdə və bir neçə qohumların evində gecələməli oluruq./Xeberal.az/

Gepostet von Qarabağ Media am Montag, 7. August 2017

BIR CAVAB BURAXIN

Please enter your comment!
Please enter your name here