Tramp Londonun ilk müsəlman merini tənqid etdi

Bizimsesimiz.info // ABŞ prezidenti Donald Tramp Londonun meri Sadiq Xanın şəhərdə baş verən terror hadisəsindən sonra verdiyi açıqlamanı pisləyib.

“Qafqazinfo” xəbər verir ki, prezident bu barədə Tvitter-də yazıb. Belə ki, Sadiq Xan hadisədən sonra verdiyi şərhdə sakinlərə “narahat olmayın”, – deyə müraciət edib.

Tramp isə bu məsələyə belə münasibət bildirib: “Ən az 7 ölü və 48 yaralı var. Londonun meri isə deyir ki, narahatlığa heç bir əsas yoxdur”.

Qeyd edək ki, Sadiq Xan bildirmişdi ki, parlament seçkilərini 4 iyun gecəsi baş verən terror hadisəsi ilə bağlı təxirə salmağa ehtiyac yoxdur.

Xatırladaq ki, Sadiq Xan Böyük Britaniyanın Leyboristlər Partiyasından mer seçilmiş ilk müsəlmandır.

LEAVE A RESPONSE

Sizin e-poçt ünvanınız dərc edilməyəcəkdir.